Pada 19 Februari 2015, den samo biras den borpakat nak buek majlis aqiqah, khatan dan cukur jambul. Sebelum ni furqan dan ayra buat dah kek semenanjung tapi kali ini afrina ghaso nak buek kek sabah la pulak. Nak tengok jugak camno adat oghang sabah ni.
Mako bondo pertamo kono buek untuk aqiqah mestilah mencaghi haiwan untuk diaqiqah. Kojap kato kambing, kojap kato lembu, alih-alih kerbau. Tapi keputusannya kambing. Kalau boleh tiga ekor kambing jantan. Pasal apo nak jantan? Nak sonang kojo, kalau tino nanti takut-takut ado janin lak. Yolakan kambing mano ado register kawen2 ni.
Bermulolah dari hari Isnin menjelajah Tuaran samo Tamparuli mencari kambing. Sobab ke sini dikatokan susah sikit nak dapek kambing. Boto teh kau. Cari sampai poie ketuk ghumah oghang tapi hampo. Tuan kambing tak mau nak jual.
Telefon la si Asri, kigho biras den la jugak tapi bolah adik bapak mentuo den. Dio kato pi caghi kek kandang kambing bolah Tamparuli tapi cino punyolah. Dah takdo mako poie ajolah. Nengok sanun kambing eh ado nak jual tapi sekor jantan dan duo betino. Tapi ghogonyo sesuko hati dilotaknyo, Tanduk kambing jantan pun ghasonyo tak sampai 2 inci dimintaknyo RM800!!! Bukan bosar mano pun. Yang tino lak tanyo sekali dio mintak RM900. Sekali lagi tanyo dio up jadi RM1000. Osah sajo dio amik kosompatan.
Last2 den tanyo student plak pdrm den Said namonyo kalau2 ado dio tahu sapo-sapo jual kambing. Si Said ni oghang Sabah la yo. Akhirnyo dapek la. Dio minta abang iparnyo cari kek Kota Belud. Adolah pulah kawan abg iparnyo usoho tornakan kambing. Fuh solamat.. Dapek tigo-tigo jantan lak tu. Hargonyo 3 ekor RM2100. Tapi lopeh bincang dapekla RM2000. Mughah la tu. Siap hantor sampai umah biras den. Tanpo caj pon. Humang aih. Baik nyo.. Mako den up dio kek sini kalau sapo2 nak kambing area Tuaran, Tamparuli, Kota Belud atau sampai Kota Kinabalu.
Bob (0109404646). Kambing Boer
Haghi rabu pagi disembelihlah kambing tu. Sibuk gak la maso tu nak komeh kambing tu sampai tongahari. Malam eh pulak dah start sedaro magho datang dan totamu yang tak dapek datang esoknyo. Aktivitinyo makan sambil diiringi alunan muzik tradisional oghang bajau. Disana panggil ber'titik'. Selain tu apo laie, jarang jumpo borakla smpi 1.00pagi.
Esoknya paginyaa majlis dimulokan dongan berkhatan, Dah cukup sebulan umur Afrina Farhana ini, Solosaikan sekali gus. Tak do nak fikir2 lagi. Lupo nak amik gambar Afrina maso tu. Lagipun den maso tu tukang sambut totamu la. Dalam pukul 11 pagi. Marhaban dan cukur jambul pulak. Den samo biras den pogang samo anak momasing maso tu.
Lopeh tu makan la apo laie. Majlis tamat dalam ompek potang.
Ha... Ayra yang cute
Yang baju kuning samo biru tu biras den
Ayah mentuoden breakfast dulu sebelum totamu datang
Ni abg ipau den.. Baik oghangnyo
Mokcik nie tongah test goreng.
Semuo diatas gambar totamu yang datang maso tu.
Start marhabban
Adik ayah mentuo den
Den dukung afrina, biras den dukung anaknyo danish
Cukur jambul dimulokan
Yeah.. Afrina pulok.
Ponek tu ponek jugak, tapi semuo solosai dengan jayanyo ALhamdulillah.
No comments:
Post a Comment