Pulang kita ke sabah..

Sojak ghayo tahun lopeh baghu dapek balik sabah. kigho lamo la tu. sajo jo balik, bini den tetibo taragak nak balik. dio ado baki cuti sobulan laie. tak pola, sian nengok eh. lagipun den cadang nak buek aqiqah + sunat +  cukur jambul sokali samo biras den. dio pun baghu dapek gak baby.. solang boborapo aghi dari anak den yg kocik tu.

Jadi ek, den sokoluargo bertolak daghi ghumah dalam jam 6.40 borboka 2 teksi. sajo jo tak minta nolong jiran-jiran. yolah, waktu oghang  nak poie kojo kan. next time den minta nolong yo. jangan ngocik hati lak nanti yo. khidmat teksi pun den ghembat dari facebook, kigho gamble la ni samado boto ko tak... bersorah ajola. dio caj RM80 seketo. ok la tu.

Sampai jo kek klia 2, anak2 den macam tak pernah jojak kek sinun. somangat eh berkobar-kobar. kalau lopeh, maunyo dighayau satu klia2 tu.

breakfast kek dunkin donut.. peh macam omputih. padahal lagi 10 minit nak masuk belon.. peh tu takdola den ngambik ngambar pasal x cukup tgn. ngan furqan laie, ayra pulak ngan beg2 .. torbang 1020 pagi dan sampai dalam 1245 tongah hari. seminggu lobeh den nak cuti ni. tapi bini n anak2 en sampai 21 mac.